| |
AUTOTRANSFUSIO-PROGRAMAREN ABANTAILAK
1. Transfusio bidezko gaixotasunekin kutsatzeko arriskua ezabatzea.
2. Bateragarritasun inmunologikoa ziurtatzea, eta horrela, transfusio ondoko edozein errefus-mota eragoztea.
3. Aurreikusitako data horretarako hemoderibatuak hornituko zaizkizula ziurtatzea.
4. Ebakuntza aurreko odol-emanaldiek bizkortu egiten dute zelula hematikoen produkzioa, eta beraz, balio hematologikoak lehenago berreskuratzen dira programa hau jarraitu ez duten ebakuntzen aldean.
5. Pixkanakako prestakuntza-aldi horrek mesede egiten dio ebakuntzaren aurreko jarrerari.
6. Hemoderibatuen baliabideak arrazoiz erabiltzen laguntzen du.
PROGRAMAREN ERAGOZPENAK
1. Kalkuluak egin arren, zailtasunen bat egokituz gero, borondatezko odol-emaileek emandako odolaren beharra gerta daiteke.
2. Erreakzioak odola ematen den bitartean (zorabioak, ziztadak).
3. Burdina-kopuru osagarri bat (pilulak) behar izatea ebakuntza egin bitartean balio hematologiko arruntak mantendu ahal izateko.
4. Ateratako unitateren batean anomalia analitiko garrantzitsuren bat ikusiko balitz, unitate hori ezabatu egin beharko da eta agian programa hori ere bertan behera utzi.
5. Unitateren bat baliogabetu dezaketen arazo teknikoak.
6. Ebakuntzarako aurreikusitako data atzeratzeak unitateren bat edo beste iraungitzea eragin dezake.
7. Odol Bankura joan beharra odol-emanaldiak egitera.
NOLA GAUZATZEN DA AUTOTRANSFUSIO-PROGRAMA BAT
1. Programa bakoitza ebakuntza bakoitzak duen premien arabera gauzatzen da.
2. Ebakuntza egin behar dioten gaixoa eta bere kirurgilaria Autotransfusio Programarekin bat egitea erabakitzen badute, sendagileak dagokion eskabidea beteko du, ondokoa adieraziz: diagnostikoa, ebakuntza-mota, eguna eta beharrezkoa iruditzen zaion unitate-kopurua.
3. Eskabide hori bete ondoren, gaixoak Odol Bankura deituko du 1. hitzordurako eguna eta ordua eskatzeko (45.54.11 - 45.56.22).
4. Hitzordua finkatu den egun eta ordu horretan gaixoa Odol Bankura etorriko da, eta bertan, historia kliniko bat eta programa hastea gomendatzen ez duen edozein gaixotasun edo gorabehera baztertzeko beharrezko azterketa hematologikoa egingo zaizkio.
5. Historia eta azterketa horiek aldekoak badira, odol-emanaldiak egitera zein egunetan etorri behar duen adieraziko zaio, baita beharrezkoa denean zenbateko burdina-kopuru osagarria (pilulak) hartu behar duen ere.
6. Programa hau ebakuntza egin aurreko 35 egunen barruan egin beharko da, epe hori delako odolak gehienez ere iraun dezakeena.
7. Ebakuntza egiteko eguna edozein arrazoigatik atzeratuz gero, kasu bakoitzaren arabera erabakirik onena zein den aztertuko da.
8. Programa hau bertan behera gera daiteke zenbait arrazoigatik: A) transfusio bidez kutsa daitezkeen gaixotasunak eragozteko egiten diren analitikoen alterazioren bat. B) gaixoak gutxieneko balio hematikoak ez izatea, burdina-kopuru osagarriak hartu arren. C) Horrela gomendatuko lukeen infekzio edo gaixotasunen bat gertatzea. D) Gaixoak hala erabakitzea.
9. Programa bertan behera geratuz gero, atera ez diren unitateak ohiko odol-emanaldi altruistei esker lortutako unitateekin osatuko dira.
10. Edozein zalantza edo galderari honako telefono honetan erantzungo zaio: 45.54.11 edo 45.56.22, edo pertsonalki, Gipuzkoako Odol Bankuan, Zuatzu, Easo eraik. 4-7, 20018 Donostia.
Argibideetarako ordutegia: astelehenetik ostiralera, goizeko 8etatik arratsaldeko 2etara.
|
